Listaframsýning í Kringvarpinum

Eyðun av Reyni hevur listaframsýning í Kringvarpinum

Várlig listaframsýning letur upp í Kringvarpinum í morgin

Forhøllin í Kringvarpi Føroya verður komandi vikurnar karmur um eina framsýning við málningum, sum Eyðun av Reyni hevur málað.

Í morgin letur listamaðurin upp framsýning við 15 málningum, sum Eyðun hevur málað í ár og í fjør.

Flestu málningarnir hava eitt frískligt og várligt dæmi. Við grovum strokum og sterkum litum málar hann málningar, har landsløg og bygdaløg hómast í einum spennandi litspæli.

Eyðun av Reyni hevur seinastu árini roynt aðra leið í málningum sínum, og henda framsýningin vísir eisini ein leitandi listarmann.

Framsýningin letur alment upp í morgin 22. februar kl. 16. Nýútbúni listfrøðingurin, Dagmar M. Winther, hugleiðir um listina hjá Eyðuni og Lea Kampmann framførir egin løg .

Hetta er fyrsta málningaframsýningin nýggju í forhøllini í Kringvarpinum.

Framsýningin er opin gerandisdagar frá kl. 09 til kl. 18. Leygardagar er opið frá kl. 10 til 14. Framsýningin er opin til 30. mars.

Kunning

Nær:
22. februar 2019
Klokkan:
10:00
Hvar:
Kringvarp Føroya
Adressa:
Norðari Ringvegur
Postnr.:
100
Bygd/Býur:
Tórshavn

Kort

Skráset fyrispurning


CAPTCHA
Skráset » Angra x