‘Havnin er ein lítil bygd’

syngur Teitur, men kortini er hon høvuðsstaður okkara og miðstaður fyri mentan og handilslívi í Føroyum. Her liva stórbýarmentan og føroysk bygdarmentan lið um lið – traðir við fenaði, grøn øki, bústaðarøki, handilslív og mentanarupplivingar troðka seg framat. Kom ein túr í plantasjuna og gev dunnunum, vitja familju og vinir og far út at eta saman við teimum. Kom til dyst ella kapping ella bara hugna í miðbýnum. Vitja skoytibreytina, far í biograf, í bowlinghøllina ella í svimjihylin. Kom til sjónleik, konsert, framsýningar ella fyrilestrar. Vitja smáu goymdu perlurnar, Tinganes og gomlu Havnina, vitja søvnini ella mongu handlarnar. Havnin hevur meira at bjóða, enn tey flestu geva sær far um.

Skráset fyrispurning


CAPTCHA
Skráset » Angra x