Landssjúkrahúsið

Landssjúkrahúsið er meginsjúkrahúsið í Føroyum og er eitt tað størsta arbeiðsplássið í landinum. Visjónin er at bjóða føroyingum eina góða heilsutænastu á alsamt fleiri økjum í Føroyum og, har hetta ikki er møguligt, tryggja sjúklingum viðgerð ígjøgnum gott samstarv við sjúkrahús uttanlands.

Kjarnuuppgávurnar hjá Landssjúkrahúsinum eru at kanna, viðgera, røkta og endurvenja. Sjúkrahúsið hevur eina bráðfeingis  tilbúgvingarskipan alt samdøgrið.

Aðalmálið hjá Landsjúkrahúsinum, saman við Sjúkrahúsverkinum, er at veita eina dygdargóða heilsutænastu, ið fevnir frá gitnaði til seinastu fráferð, borin av vitan og tænastusinni. Vitan fevnir um fakliga vitan, førleikar og menning, tøkni í breiðastu merking og mentan, sum er opin og fevnandi. Tænastusinni er ein uppliving av at vera í miðdeplinum, uppliving av góðari tænastu og uppliving av nærlagni.”